الإهداءات

إضافة رد
 
أدوات الموضوع طريقة عرض الموضوع
قديم 04-02-2010, 12:17 AM   المشاركة رقم: 1
المعلومات
الكاتب:
اللقب:
عضو نشيط

البيانات
التسجيل: Mar 2010
العضوية: 673
المشاركات: 194
بمعدل : 0.12 يوميا

التوقيت

الإتصالات
الحالة:
وليد عبدالله عمران غير متواجد حالياً
وسائل الإتصال:

المنتدى : أشعـــار الشايقية
افتراضي شعر الاخوانيات في ديار الشايقية

اخوتي الاعضاء السلام عليكم رحمة الله
المساجلات الكانت حاصلة بين الراحل المقيم عبدالله محمد خير والشاعر حاتم حسن الدابي وطبعاً دخلو فيها كمية من الشعراء اطلقو عليها اسم شعر الاخوانيات واستمرت المساجلات لي فترة طويلة من الزمن وانتجت شعر ملء السمع والبصر وكتر خير استاذنا الشاعر علي الخضر وثق لينا الشعر دا في 3 دواوين بعنوان مناظرات من بلاد الطنبور ومن الليله ح اديكم الجزء القدرت اتحصل عليهو من شاعرنا علي الخضر

الخضر


نبدا بسم الله بي القصيدة الاولي

القصيدة الاولي كانت من الشاعر عبدالله محمد خير لي صديقة (تلب) من منطقة ارقي ويقول في القصيدة :


تلب امسك حبل الصبر


خلو مسكك لايبقي ني


اصلو ود ابزيد كل يوم


من بلدنا يرحل جدي


شن بسويلك عاد


انا القبلك الحرمان مر بي


الضنا الهسي عليك ذاد


من زمان انا زايد علي


كم حبيباً شغل الفؤاد


في العيون كان متل الصبي


حل بي توفيق السواد


مافي زول قال كفارة لي


ويمضي حتي يقول :


ارقي يارحمن في السماح


مافي بلداً بتجاكرة


والله ماديها السماحة صاح


من كروها ولي تكرة


اصلو ود ابزيد معترف


بي جريمتو ومو ناكرة


وكل جور القال سفروها


هو قام قطع ليها التزكرة


بعد اندلاع الشرارة الي انطلق منها هذا الابداع الهائل في احظة تجلي و دون قصد من الاستاذ عبدالله محمد خير كتب لة الشاعر حاتم حسن الدابي رداً علي تلك القصيدة قائلاً :
عبدو كان طاوعت الحروف
رتب الكلمات و اوزنة
انت ياكا استاذ الشعر
والشمال بيك نأمنة
قولك الموزون الرين
كل خلق الله مجننة
بيهو صديق احمد صدق
الحجار صخرة يلينة
الا يا عبدو سمع كلام
جاتني تلهجبو الالسنة
وقلت في ارقي جمال فريد
مافي بلداً بتقارنة
بيك ود الدابي ان سمع تبقي مشكلتك مزمنة
ولا تصل لي حُمد سعيد
والسرير الماهم هنا
القرير جوهرة الشمال
وانت دايريها محاسنة
وفي المقام زي زات العماد
هيبتة وعزة ساكنة
خضرته الزينت الضفاف
زي عيون ظبية علي سنة
مرتعه الريان الخصيب
القلوب كلها يرهنة

كانت دي الانطلاقة الاولي لي شعر الاخوانيات بين حاتم وعبدالله












عرض البوم صور وليد عبدالله عمران   رد مع اقتباس
قديم 04-02-2010, 12:19 AM   المشاركة رقم: 2
المعلومات
الكاتب:
اللقب:
عضو نشيط

البيانات
التسجيل: Mar 2010
العضوية: 673
المشاركات: 194
بمعدل : 0.12 يوميا

التوقيت

الإتصالات
الحالة:
وليد عبدالله عمران غير متواجد حالياً
وسائل الإتصال:

كاتب الموضوع : وليد عبدالله عمران المنتدى : أشعـــار الشايقية
افتراضي

بعد ذلك وردت عدة ردود وكتابات من عدة شعراء يقفون في صف عبدالله محمد خير والبعض يقف الي صف حاتم حسن الدابي والبعض يدعو للمصالحة بالاضافة الي عدد بسيط يدعو لاشعال نار الفتنة .
وهنا كتب الشاعر علي الخضر الي حاتم حسن الدابي كلمات يحفظ فيها مقام الاستاذ الراحل عبدالله محمد خير ويطالب الشاعر حاتم بالاعتزار لعبدالله محمد خير وييشكر منطقتة (تنقسي) وربما وردت بعض الكلمات من شاعرنا علي الخضر يهدد فيها شاعرنا حاتم بأن حد مشورة قد دنا اذا لم يعتزر لشاعرنا عبدالله ويقول في قصيدتة :

عبدو عندو خيال للحروف قبل ماتتقال يوزنة

وفي اللسان لحنها ينطبع مابيتوة البيلحنة

حت ساس الغنا من زمان بي رصين القافية وبني

وبعدو جات شعراء الشمال تبني فوق حد ساسو البنا

قولو في التوفيق كان حروف تحكي عن لحظات محزنة

وعن هيام القلب الصبح بين لهيب الشوق والضني

وقصدو كان لوعات الفراق بي لسان الحال يعلنة

سلوي في الايام لي قليباً عاش متيم فاقد هنا

ماحصل سباها القرير حتي في اشعارو وغنا

ومانطق لو كان بالمزاح هانة بي كلمة محاسنة

قلت جوهرة ضاوية الشمال زي عيون ظبية علي سنة

وطاف خيالك يصف الجمال قلت صدر النيل حاضنة

كيف حكمت عليهو الشمال حتي جوهرتو تعينة

وفي الحكم تنحاز للقرير ولأ شان إياك ساكنة

اصلو عند الناس مهما كان طال شقاها وزادت عنا

ورغم كل قساوة الظروف يبقي غالي عزيز موطنة

ياما كم من قري في الشمال تسحر الالباب فاتنة

وتستبيح حرمات الجمال لي عقول الناس تسجنة

طوفو لي حد حلفا وتعال لو يدوم ترحالك سنة

تلقي تنقسي بهجة وجمال مابيحيطو حروف الغنا

تعرف انها ذات العماد الوصف خضرته ربنا

وبيها وصي النيل من قديم بي حنانو النيل حاضنة

وعبدو مابيهددو بالسرير ومابتكون مشكلة مزمنة

للخلق شيطان الحروف يمشي بي تصريح مننا

نحن يانا منابع الحروف ومن زمان يانا اهل الغنا

وورثة الكلمات جيل في جيل لانهاية الكون عندنا

حقو للاسناذ كان يكون الكلام بي زوق واعتني

والادب سلطان الحديث يحكم الفنان من جني

لو مشيت قدامو اعتزر ننسي للمشكلة ندفنة

ولو كمان طاوعت الخال يبقي حد مشوارك دنا...













التعديل الأخير تم بواسطة وليد عبدالله عمران ; 04-02-2010 الساعة 12:21 AM
عرض البوم صور وليد عبدالله عمران   رد مع اقتباس
قديم 04-02-2010, 12:24 AM   المشاركة رقم: 3
المعلومات
الكاتب:
اللقب:
عضو نشيط

البيانات
التسجيل: Mar 2010
العضوية: 673
المشاركات: 194
بمعدل : 0.12 يوميا

التوقيت

الإتصالات
الحالة:
وليد عبدالله عمران غير متواجد حالياً
وسائل الإتصال:

كاتب الموضوع : وليد عبدالله عمران المنتدى : أشعـــار الشايقية
افتراضي

النص: المشاعر فوق كل شى

الأستاذ حاتم حسن الدابى

غناء الأستاذ عبدالقيوم الشريفى

المشاعر فوق كل شى للغرور أوعه تطاوعا
شوفا ياياسر واقنعه
أرضى بالقسمة إن مارضيت بالقصب ياكا الدارعه
مابتفوت المكتوبة ليك ليها إستسلم طاوعه
أنت دون الناس يا امير قدوة ذو اخلاق واسعة
أسطوانة التعليم بقت إفتراء وبهتان وإدعه
زهرة إخترتها بين زهور فرهدت نايرة مزارعة
شافت المستقبل جميل خلها الترضى مطامعه
ياحنين تصبح مثال ضمن أمثالنا الرائعة
ذى شدرة المحلب هوت وعطرت فاس القاطعة
مابتموت الريدة إن بقت من صميم وجدان نابعة
لابيغيرا حقد الحسود لا الزمن يسلبا طابعه
ياما ناس اشباه البشر فى الوجوه ناايرى مطالعه
تبهر البيشوفا وتكون فى قلوبا ذئاب جايعه
الخلق والدين وكل شى فى الزمن ده بقت شايعه
يعنى إيه الواحدى إن قرت وكملت عشرين جامعه
قيس ورى ليلتو هام سرح ودرت عقلو مراتعه
بالسهل والوديان يدوح لما مات سكران ماوعه
عبله بى ريد عنتر زمان ليل نهار سايلى مدامعه
فارق الحياة ظمئآن وصب ماقدر حتى يوادعه
مابتشوف ود عبد الحميد روحو للمحبوب دافعه
مرقو ذى شعره من العجين للكريم شكوتو رافعه
قولى ياتو الما حطمو وهدمت أملو اليانعه
وكان عقابو الذكر الحكيم ونصو فى آخر الواقعه












عرض البوم صور وليد عبدالله عمران   رد مع اقتباس
قديم 04-05-2010, 11:04 PM   المشاركة رقم: 4
المعلومات
الكاتب:
اللقب:
عضو نشيط

البيانات
التسجيل: Mar 2010
العضوية: 673
المشاركات: 194
بمعدل : 0.12 يوميا

التوقيت

الإتصالات
الحالة:
وليد عبدالله عمران غير متواجد حالياً
وسائل الإتصال:

كاتب الموضوع : وليد عبدالله عمران المنتدى : أشعـــار الشايقية
افتراضي

المشاعر ماكل شى

الأستاذ عبددالله محمد خير

غناء الأستاذ صديق أحمد

المشاعر ما كل شى حكمة يا حاتم اسمعه
والظروف اقوى من السيوف تبتر الآمال تقطعه
القيم والدين والإصول والتقاليد وتوابعه
والعواطف لازم تكون للعقول دايما تابعه
للشمال عاداتو القبيل من معين الخير نابعه
التسامح والإلتزام والتواضع من طابعه
إنت فى ميدان الشعر سيد دراية وبسطة وسعه
وشهرة الدابى الطبقت دنية الله الواسعه
والفوارق مهما تكون بين تجاربكم شاسعه
منو لازم تاخد الإصول عامة والمادة التاسعه
قلب أفتح سير الغرام شوف حواشيها وتابعه
تلقى كم ياسر مستهام ماإحتمل هول الفاجعه
ما قسيت إنت على الحسان ياخى قلبت مواجعه
كيف يكون تعليم البنات إفترا وبهتان وإدعى
ومن نتايج الجهل الغرور والتعابير الخادعه
العلم تهذيب للنفوس وللضماير كان وازعه
والعلم كل الموبغات من قلوب الناس ينزعه
وإنت عارف طبع الحسان مامزيج من رقة ودعه
حالا يمكن صاحبك يكون ماقدر قلبو يجاعه
وإنفعل جابها بى غرور وكل مكنوناتو اوعه
قولو يصفح غل لايشيل لى زويلة الشيل فدعه
وقولو لابداك من سبب فى طريق ريدك يدفعه
ومن طرف واحد مابيكون تصبق اضرارو المنفعه
قبل ماترميك بالجهل وقبل ماتهمك تصفعه
إنسحب ساترك مابيقيك كان هفت فوهت مدفعه
مابيجامل قاضى الغرام عندو ما بتجدى مدافعه
ومابيقتش سبب الهيام ويسأل الريدة دوافعه
يصدر احكامو بلا نظام فى كبيرة وفى يافعه
للبهيم فى سيد أم رخام ولليضيع فى ريد شافعه
هاك مثال ذى ودابنعوف سايقا خطواتو مسارعه
يسعى بين السوق والرويس ما ورد لسه مشارعه
فينا وطن شعرو الرصين وخط لوحاتو البارعه
إلا حالو تراهو مو زين وكل افعالو مضارعه
جرب أسأل خبرالهزيع الاخير والناس هاجعه
مالفرق بين الحب زمان وأسى والغنا والجعجعه
عندهم تلقاهو الجواب ربما كلمة مشجعه
أو كمان من باب النصايح تكون ضربات موجعه
فى الختام ياياسر سلام من قلوب صافية وناصعه
فيها دوى صداك إرتطام وإنفجر ذى الصاقعه
زينا الزم حبل الصبر سبحتك وجبة مرقعه
يكون جزاك فى الذكر الحكيم ونصو فى آخر الواقعه












عرض البوم صور وليد عبدالله عمران   رد مع اقتباس
قديم 04-05-2010, 11:04 PM   المشاركة رقم: 5
المعلومات
الكاتب:
اللقب:
عضو نشيط

البيانات
التسجيل: Mar 2010
العضوية: 673
المشاركات: 194
بمعدل : 0.12 يوميا

التوقيت

الإتصالات
الحالة:
وليد عبدالله عمران غير متواجد حالياً
وسائل الإتصال:

كاتب الموضوع : وليد عبدالله عمران المنتدى : أشعـــار الشايقية
افتراضي

إختلاف وجهات النظر

الأستاذ حاتم حسن الدابى
غناء الأستاذ عبدالقيوم الشريفى

إختلاف وجهات النظر حقو كلنا نتمعنه
والرسالة رسالة عتاب ليك يا عبدو معنونه
الظروف أمضى من السيوف حكمه ياعبدو مقننه
والمشاعر ماكل شى حكمة تحتاج لى برهنه
عبدو يا قاموس الحروف يا رحيقا ويا سوسنه
وإنت يا مرجعنا العتيق يوم نتوه وإنت تحسنا
المشاعر جنب الظروف مافى بيناتا مقارنه
والسيوف البت والبتر هن صفاتا وهن ديدنه
لابتلين فى يوم لابتحن حتى لو كانت من قنا
عبدو إنسانية البشر من مشاعرنا مكونه
هى البتديك معنى الحياة وهى التصون للروح معدنه
العشر مابينفح أريج لو سقيتو عطور الدنا
وديمة فى أرض الاشعور تنبت أشجار الحيونه
الطباع والخلق العفيف زينة البنوت عندنا
والجهل مابيرضابو زول بيه تتوصف بتنا
نحن نحترم الجامعات يوم نشوف طالبة محصنه
تبقى مصدر عز وإفتخار لما تتمجد فى الغنا
قولى ماكان يعنى الجميع ويرفض الذل والهيمنه
وهى القرايا أحيانا تكون جامعات الله يلعنه
يالبيب عادات الشمال فى دواخلنا موطنه
بيها مفطومين من صغار وفى شرايينا محقنا
والمواد اللذكرتها انا بقرى فيها تلاتين سنه
البنات عاداتن بقت من بلاد بره مهجنه
أكتسن بى توب مستعار وسولبن توب السودنه
أدمن تقليد الغرب فى الطبايع والعرجنه
فى التجيك تتنى وتميل وبى باراتا مدهنه
هدمن قوامة الرجال الفداها شرع ربنا
ديل فيهن شن دار تقول مالحسان ملة ملونه
البنات فيهن وحدات بالولاد لعبن هودنا
ديل سماح فى جتة دبيب بالسموم جوه بطنه
قلبى مابتغريهو الحسان الهلالاتا مقرنه
العلم أصبح ذى صخور يصطدمبها قارب المنا
الشباب مستقبل يضيع لاعديل لازين لا جنا
زى شموع فى الريح تحترق والمصير مكتوبلو الفنا
العمر كلو يضيع سدا بين مدارس وبين قرصنه
وبى سبب تعليم البنات شابو فى عز الصبينه
عندهن آمالا عراض فاترة فى المهد مكفنه
والامانى تجاه الزواج ميتة باليأس مدفنه
الهموم ممدودات طوال ماسكى فى بعضا مقرنه
والحكم بقى للمستمع لا بتبتو إنت ولا أنا












عرض البوم صور وليد عبدالله عمران   رد مع اقتباس
قديم 04-05-2010, 11:05 PM   المشاركة رقم: 6
المعلومات
الكاتب:
اللقب:
عضو نشيط

البيانات
التسجيل: Mar 2010
العضوية: 673
المشاركات: 194
بمعدل : 0.12 يوميا

التوقيت

الإتصالات
الحالة:
وليد عبدالله عمران غير متواجد حالياً
وسائل الإتصال:

كاتب الموضوع : وليد عبدالله عمران المنتدى : أشعـــار الشايقية
افتراضي

حاتم أمسك حبل الصبر

الأستاذ عبدالله محمد خير

حاتم امسك حبل الصبر ونزهه أشعارك عن غرض
وأقبل التوجيه ولو مر مالعلاج دايما فى القرض
خلى حسن النية موفور عندك اليبقى على مضض
وأعرف الصالح من الضار حت بعداك خربش أو عض
**********
عندك الإبدع ياسلام قام مفرهد يادوبو غض
لاتعلمو شين الكلام شان تعافيهو من المرض
خلو يسرح زين فى الوطن ويا محمد ومسكين عوض
وخلنا النمشيبو قدام فن بلدنا وكت قام نهض
*********
إنت مالك ومال القرير وأرقى والدتى ومال حرض
ومالك إت ومال ذات العماد البقت فى جوف الأرض
أنت فنان يهب الجميع الفرح بالطول والعرض
ويثرى قيم الخير والصلاح فى الشباب قبال تنقرض
********
ياخى مالك و مال الولاد والبنات خلهم هم عارفين بعض
لاتقول لى واحد تكفر ولا للتانى إنت قض
خلى شعرك نوبة نعاس للمساهر الليل ماغمض
وحقو للإلفة يكون أساس على الأقل أو كان يقترض

شن جنيت هسع من قصايدك دى غير الصد والرفض

حاتم آخوى حب القرير ماهو( سنة)علينا إتفرض
وأى موهوب يهوى القرير صوتو كان علا كان إنخفض
وكل ما شدى بإسم القرير شادى تلقى طرب وإنتفض
وأى زول قالولو القرير قى الشمال جوهرة ما إعترض
***********
عفوا الأستاذ القدير حاشا لى عهدك مانقض
منك أتقن نظم القريض ولى نواصى الأوزان قبض
وين شيوخ الشعر الكبار مالو سامرن إنفض فض
وإن بقى الحال ياهو ده الحال يبقى منو وعليهو العوض












عرض البوم صور وليد عبدالله عمران   رد مع اقتباس
قديم 04-05-2010, 11:06 PM   المشاركة رقم: 7
المعلومات
الكاتب:
اللقب:
عضو نشيط

البيانات
التسجيل: Mar 2010
العضوية: 673
المشاركات: 194
بمعدل : 0.12 يوميا

التوقيت

الإتصالات
الحالة:
وليد عبدالله عمران غير متواجد حالياً
وسائل الإتصال:

كاتب الموضوع : وليد عبدالله عمران المنتدى : أشعـــار الشايقية
افتراضي

عبدو صبرك ليه مالو عيل

الأستاذ حاتم حسن الدابى

عبدو صبرك ليه مالو عيل كت منو على الناس تشر
بى كرم وزعت الحبال عندك إنت بدت فى القصر
عيب حبال صبرك تنعدم كل زول مدى حبل صبر
مالو لو خليتلك متر للزمان يبقالك دخر
بيها ياسر قبلى إندرج لفلفن وقنب فوق جمر
وقبلى تلب بيها إتحزم زايدى فوق الكرعين تجر
أنا عندى حسن النية موفور لاخداع فيهو ولامكر
ومانى شافعا بيخوفو بالسحاحير وزمر زمر
أنا لو بديت خريش يالبيب عندى ليها مخالب صقر
أما لوعضيت لى زعاف مالقى الترياق منو كر
يسرى فى جوف المعتدين كان فقير كان ساكن قصر
ويلحق الينبح فى الرياض ويشملن أرقى مع الككر
القرض شربتو للعلاج ضارة للمصران صح تضر
ونحن نستعملو للدباغ والمريض مابيشعربو مر
تخيت القرعة مع القحف وتخلط اليصلح باليضر
***********
ياحليلا قصايدك زمان الجلا ويازينة العمر
نضج الافكار والفعال ودبجن بى توب الستر
ولاتكون داعية إنحلال لى نفوس تحتاج الطهر
ظنى فيك كان تهدى الشباب وبى حروف تبقالن بدر
يستنير بها طول الطريق ويتعظبها طول العمر
كيف تقول هم فاهمين بعض وكل زول فى أفعالو حر
أنت قصدك تخلق فتن بين ولاد شايق وبين بدر

أما مالى و مال القرير فيها صح بقى نضمك كتر
بإختصار ياذلة لسان ياكمان مساك الكبر
القرير سامرو إنفض كيف وأنت فى نمو زمن تجر
يالسرير ويا حمد سعيد جمبكم مابسوى الضفر
أنتو ليه صمتو عن الكلام وفوقنا هالى شهور الفطر
حاشا مابيقلبنى الكلام وشاردى بى فوقى انا مابتمر
والتطير يلقوها الصباح ميتى فوق روسين التمر
لليجيك بى شر يالقرير سالى سيف العز والنصر
وفوق رقبتى أن دينك كتير لابدور حسنى ولا اجر












عرض البوم صور وليد عبدالله عمران   رد مع اقتباس
قديم 04-05-2010, 11:06 PM   المشاركة رقم: 8
المعلومات
الكاتب:
اللقب:
عضو نشيط

البيانات
التسجيل: Mar 2010
العضوية: 673
المشاركات: 194
بمعدل : 0.12 يوميا

التوقيت

الإتصالات
الحالة:
وليد عبدالله عمران غير متواجد حالياً
وسائل الإتصال:

كاتب الموضوع : وليد عبدالله عمران المنتدى : أشعـــار الشايقية
افتراضي


بعد هذا كتب الاستاذ القدير علي عبد الماجد حبيب الله من ابناء الدتي قصيدتة التي خاطب فيها حاتم وعلي الخضر خطاب مباشر وقال :

عبدة صح استاذ الشعر ماضروري الناس تعلنة
باعو باقي طويل في النظام جاب من الكلمات احسنة
وياجماعه ان كتر الكلام لمو جيبو علي هنا
نحن في الحق ضمة آ بنخاف يعني شان ساكتين اكننا
انتو تتشاكلو في القرير مافي زول سائل عننا
وكل خير في ارض الشمال دار تكارنوهو مكارنة
قالو شكار نفسو ابليس انتو ليه شايلين حسنا
ارعي بي وتدك ياعلي وانت ياحاتم هونة
واهدا يانور الدين اقيف واسمعو القول من عندي انا
كان تطير تنقسي ولا القرير دا مو شيتاً بيهمنا
الدتي درة حواها الشمال بي جبال ربي محصنة
كان تشوفة قريب العصير ذي عروس دابة محننة
او تقوم بدري مع الصباح والزهور صاحية ملونة
كان تقول اية زات العماد حتي بابل مازينا
فوق قيوف لامد البصر كابي متشابكي جناينة
شم هو النيل وزرع الجروف سيسبان عالي يضلنا
القصور في كجبي شاهدات والشكيل ممدود جمبنا
من قريد لاحد ود عزاز ياهو مشهادنا وحبنا
عندنا الجنيات يعجبوك ديل يشهوك تلد الجنا
شله تسهر فوق البحر تحكي سر الريد والغنا
وشله تعبد ليل والنهار ومابتفارق للميضة
ياحليل ود حمد علي كم غزل شال من حينا
هسه ناس كرفاس والغشيم بالخراب الناس تلعنة
فوق سبيط التمر الدباس قوقي عشعش وربي الجنا
هي اصلو لو ماقدر المقام كنا في الكير بنفننة
نحن دون الناس مكتفين مابنكوس حق ماحقنا
وغايتو لو ما الدتي دارنا كانت المغسة تشقنا














عرض البوم صور وليد عبدالله عمران   رد مع اقتباس
قديم 04-05-2010, 11:07 PM   المشاركة رقم: 9
المعلومات
الكاتب:
اللقب:
عضو نشيط

البيانات
التسجيل: Mar 2010
العضوية: 673
المشاركات: 194
بمعدل : 0.12 يوميا

التوقيت

الإتصالات
الحالة:
وليد عبدالله عمران غير متواجد حالياً
وسائل الإتصال:

كاتب الموضوع : وليد عبدالله عمران المنتدى : أشعـــار الشايقية
افتراضي

كتب الشاعر بابكر محمدخير
رد سهامك عاد فى الجراب وتانى لات عيدا تسنه
والزعل والصد والخصام خلها الايام تدفنه
ونلتقى بيك عبرالسحاب كلا الآفاق نسكنه
زى حبيب سافر وتانى آب شوقو للأحباب والجنا
فوق بساط الريح والضباب نكتشف كل الأمكنه
نبقى أكبر من السباب نترك الصد والعكننه
بسمى بسمك بسم أى شاب والشمال وبسم القاطنه
بسم كل حبيب لينا حاب حافظ أشعارنا مدونه
للبيبدع نفتح الباب نثرى ساحاتنا نزينه
ينبهل دمع الفرحه كاب ويدو للكوكب فننا
يسرى لحن الحب بإنسياب جوه اعماقنا يعطنه
ترسل القمرة بلا حساب فوقنا تنهمر السنسنا
ننفعل بى سلك الرباب والقلوب تشبع دندنه
نستعين بى حب الكتاب والوطن وحب السودنه
يلا كلنا عاد يا صحاب نور وداعه وحاتم وأنا
نجتمع لى توقيع خطاب فيه مافى الانا والانا
ونتفق على إنو الشمال فى الجمال كلها فاتنه












عرض البوم صور وليد عبدالله عمران   رد مع اقتباس
قديم 04-05-2010, 11:08 PM   المشاركة رقم: 10
المعلومات
الكاتب:
اللقب:
عضو نشيط

البيانات
التسجيل: Mar 2010
العضوية: 673
المشاركات: 194
بمعدل : 0.12 يوميا

التوقيت

الإتصالات
الحالة:
وليد عبدالله عمران غير متواجد حالياً
وسائل الإتصال:

كاتب الموضوع : وليد عبدالله عمران المنتدى : أشعـــار الشايقية
افتراضي

قصيدة الأستاذ على عبدالماجد التى رد عليها الاستاذ حاتم حسن الدابى ياعلى التى نشوفا كيف

لو القرير جوهرة الشمال كان تكون لنا عز ومفخرة
الشمال معروف بالجمال إلا فيهو فرد جوهرة
ياحليل إيام القرير لاهية كانت متبخترة
باسمة بين الخضرة والنيل ديمة فاراها فواطرة
بيها زانت ارض الشمال فايضة خيرات متوفرة
ومرفأ كانت للعاشقين تأسر الألباب تسحره

إلا طعم الحلو مابدوم والزمن دورتو دايره
إتقلب حالا وجاها يوم فاض حواها النيل حاصره
وفات سرح فى القوزين يحوم دار يشوف روعة منظره
تبكى بالدمعات الطوال تتعبر مكسور خاطره
ومن عيون الناس ضمة كان دايرة تدخل فى أضافره
ضبلنت إرم بكاها طال أصبحت يابسى مكدرة
فر قمريها من الفروع وكل دابى لبت فى الترا

ليه حق كان فارق عوض قام تلوت الليل غادره
ماهو درويش ذى مابتقول إلا كرهان مو دايره
كم وكم غيرو رحل كتير وكم فى ناس ضربت فاشره
والبيرجع عاد إلا كان ماسمع بالحال ومادرا
ماهى راحت وزمانا راح وكل رايحى الله بياجره

نحمدالله نحن الحسان زادة فى بلدا وكتره
وفى بحور الريد والحنان طلقت الدتى بواخره
ماهى نور هل علينا بان بى جمال ناسا منوره
لوحة أبدع فيها سبحان ماسة مكنونة ونادره
قطعة من أعجاز البينان صيف على شتاها مخدره
وجنة سلفا لينا رضوان فيها اعين متفجره
اما حاج الماحى غلطان فيها مدحاتو مقصره
حتى لو حسونة وحسان قاموا حتى من المقبرة
ما اظن يكسوها الوان أزهى من طلعة أزاهره

مافى بلدا حزنت وبكت بى دموع صادقة مشاعره
غيرة هى السابيها الجمال ولى وداركم متحسرة
أصلها الدتى على القرير ليها شوق بيتاوره
أسألوا أسرارنا المراقيب ليكم السالفة تفسره

غنى قول ذى مادار تقول دارى احزانكم ضايره
إلا لاتعوم تالا الشرق فى بحورا مابتقدره
فتش الرحراح دربو وين فى الترع طلبش عكره
وأوعى منها شيمة الشكيل التماسيحا مبنقره

أرضى بالقسمة وإن مارضيت مافى زول ليك بيغيره
شوف مصايب الناس ليك تهون كل مصايبك تستصغره
أبدأ بالجيران كل يوم ماشى فيها الحال لى ورا
بالرماد الضارب الرويس راضى ناسا ومابتنكره
وجنبك الباسا مع العدم بالقليل ربنا ساتره
أرقى يارحمن فى السماح عابسى من يوما مكشره
حتى تنقسى بلد العشر لاقى ناسا بتشكره

كنا دايرين بين البلاد خوة تتقوى اواصره
إلا شايفين ذات العماد إنت لى هوه مجرجره
هسه لم عقالكم تعال اطلبو السمحة المعذرة
والله سنوا اقلامكم طوال والنشوف وين يرسى آخره












عرض البوم صور وليد عبدالله عمران   رد مع اقتباس
قديم 04-05-2010, 11:08 PM   المشاركة رقم: 11
المعلومات
الكاتب:
اللقب:
عضو نشيط

البيانات
التسجيل: Mar 2010
العضوية: 673
المشاركات: 194
بمعدل : 0.12 يوميا

التوقيت

الإتصالات
الحالة:
وليد عبدالله عمران غير متواجد حالياً
وسائل الإتصال:

كاتب الموضوع : وليد عبدالله عمران المنتدى : أشعـــار الشايقية
افتراضي

كتب الشاعر وداعه محمد طلب




الي الشاعر حاتم حسن الدابي




والي كل الشعراء الذين وقفو في صف حاتم





لو القرير جوهرة الشمال الشمال كلها جوهرة
الشمال اياها الشمال بي قراها وبي بندرا
والاصول ياعبدو انتهت والادب لاحرة لاطرا
والقيم ذاتن روحن والحكاية بقت مسخرة
نان نقول دي اواخر الزمان ولا قربت الاخرة
ولا غيرة وحقداً دفين ضد عقول ناضجة ونيرا
الشعر ياناس في الشمال مارة بيهو ظروف قاهرة
كل زول داير في القرير يبقي سيد ساحتو وشاعرة
كان قبيل الشعر اخوان والنفوس طيبة وخيرة
وهسه كل زول ماسك القلم دار يكون بس شاعر بره
مستجد النعمة ان شبع يرفس النعمة ويدفرة
وان كتبلو ثلات ابيات شعر يبدا في الجخ والافترا
خاصة لو غنالو فنان ينفش العمة يكبرة
ولا يقدل متل الغراب يبدا بالمشية يغيرة
ــــــ................ــــــ



واصل الشاعر كتابتة في القصيدة الي ان جاء وقال:
مالو ماكان حمد سعيد زول مفاخرة ولا اذدرا
ومالو ود الدابي ماقال ياني سيد حسانها وناظرة
السرير و ودعبدالحميد الشمال سردو مآثرها
فيها كتبو الشعر الرصين من بدايتو ولي آخرة
ناس كدكي و ودابنعوف حتي نجم الدين في ادبره
ودشقوري وود العبيد طبعاً اب نيران مادرا
قالوا وراق جا من البلد سابة فارق كاسنجرة
من سمع ياناس بالحصل لاعن الدنيا وزاجرا
أما اب شيبة احتار عديل في الحصل في الساحة وجري
حتي لا ود كنة الرحل تلقي زعلان في المقبرة
قبلي ود الخضر ابتدأ جمع ابياتو وسطرة
قصة اب عبدو مع البطان بي رصين شعرو استنكرة
قولي لي ناس ذات العماد ديل اهلكن ناس غار حرا
وقولي لي فرعون ولي عاد إرما سختا الرب دمرة
وقولي لي حاتم بالاخص بدل افكارك وغيرة
واعتزر لي عبدو القدير فتش اشعارو واستغفرة
ابدا من الراعي واعي وقول لها ارجوكي المعزرة
فتش التومات والحسن واعتزر لي صابر جرا
لا متين الخاطر يطيب والعقول الله يكبرة
والصغير يحترم الكبير ويمشي فوق خطواتو و ورا












عرض البوم صور وليد عبدالله عمران   رد مع اقتباس
قديم 04-05-2010, 11:09 PM   المشاركة رقم: 12
المعلومات
الكاتب:
اللقب:
عضو نشيط

البيانات
التسجيل: Mar 2010
العضوية: 673
المشاركات: 194
بمعدل : 0.12 يوميا

التوقيت

الإتصالات
الحالة:
وليد عبدالله عمران غير متواجد حالياً
وسائل الإتصال:

كاتب الموضوع : وليد عبدالله عمران المنتدى : أشعـــار الشايقية
افتراضي


بعد ذلك كتب الشاعر احمد محمد الحسن





الي الشاعر علي الخضر




رداً علي قصيدتة التي كتبها للشاعر حاتم

وكانت تحمل في مضمونها ابيات لاتشبة الكاتب ولا القارئ
تاني عاد دار تكتب شنو بعد تلاتة دواوين شعر
كلهن مافيهن كلام يوحي بالالهام والفكر
ومافي شي غير ورقة وغلاف وصورة ماخدة ملامح الجقر
فيهن الاحساس بارد شديد عشرة درجات تحت الصفر
ياخسارة الورق اللي ضاع وضيف عليهو خسارة الحبر
حتي لي ناس حاتم وصل والقرير والشاعر السر












عرض البوم صور وليد عبدالله عمران   رد مع اقتباس
قديم 04-05-2010, 11:10 PM   المشاركة رقم: 13
المعلومات
الكاتب:
اللقب:
عضو نشيط

البيانات
التسجيل: Mar 2010
العضوية: 673
المشاركات: 194
بمعدل : 0.12 يوميا

التوقيت

الإتصالات
الحالة:
وليد عبدالله عمران غير متواجد حالياً
وسائل الإتصال:

كاتب الموضوع : وليد عبدالله عمران المنتدى : أشعـــار الشايقية
افتراضي

بعد ماورد من الشاعر احمد محمد الحسن والشاعر طلال ظن الشاعر علي الخضر ان نار الفتنة لاتذل مندلعة وسط الشعراء فما كان منه الا وأن يكتب للشاعر احمد محمد الحسن و يقول :

قلنا نار الفتنة انطفت تاني جيت دايرة تستعر
وجيت كمان ماسكلك درب قاسي مابتجاري و وعر
الكلام شتتو شتيت بان حقد مكتوم منستر
والحروف لويته لوي خلت الكلامات تتسكر
جات ركيكة وفاقدة مضمون يسمعه اللي الزوق يفتقر
لانغم لاتطرب حواس غير شتيمة والفاظاً قزر
كان تخلي لسانك عفيف شان تخاطب الزوق والفكر
وتنتقي الكلمات الفصاح حتي داب ترتاد الشعر
انت قصدك دايرني ارد شان يكون لك سيرة وذكر
حتي لو بي الخير ولا شر المهم الناس تنزكر
كان دا ممكن لو جيت عديل فوق خطاوي الزول الحزر
كنت اقولك شعراً ظريف مابقوم للرد منجبر
مانظمت الشعر افتخار وما قصدت انا يوم افتخر
شعري ينبع فيضاً يسيل يطفي هم الراس الكتر
ماهو نوع الشعر الرخيص لا يعجب الناس لا سعر
في البيسوي والمابيسوي يتقال مامهم ربحان او خسر
المهم ترقص الحروف بالغصب ومرات تتنجر
يبقي بخت الناس الطرش واليقيف مجنون او سكر
الا عاد مادام جيت براك و دون تحس ذليت وعتر
استعد لاتجر لاوراك او تفكر يوم تعتزر
شان منابع الغنا مننا فوق خلايق الله تنهمر
انت في رحراحهن وقف لاكتوفك وصدرك وكر
لينا في الاشعار ساس عميق مافي يوم ينقاس بالمتر
وفي بحرنا ان داير تعوم تلحق القبالك ودر
قلت ود الدابي معروف الامين العارف الخضر؟
قصدك انو ابوي مجهول وسيرتو باقي سر
يكفي انو ابوي معروف بي شئ غير الغنا والشعر
يعني نحن حوينا اوصاف الشعر بينهم يتزكر
يعرفوه اليعرفوا الناس ويفرزو الفضة من التبر
إلا ما اتأنيت ما سأل إندفعت ابيت تنتظر
وليهو في الاشعار باع طويل وشعرو في البلدان منتشر
بي غناهو وشعرو الرصين سارت الركبان لامصر
اكتب الاشعار للعرف شعري يرفع قيمة الحبر
الكلام يااحمد كتير يتري كل ما اقول اختصر
القي في جواي فاض وسال وفي اللسلان القول مستمر
كل ما اقول اغفرلك خطاك رغم انو هو مابنغفر
وشان لساني عفيف ليك شفع ذي هو بين العِشا والشِفع
ورغم انو يكلف كتير لاعندنا عادة وسِبر












عرض البوم صور وليد عبدالله عمران   رد مع اقتباس
قديم 04-05-2010, 11:11 PM   المشاركة رقم: 14
المعلومات
الكاتب:
اللقب:
عضو نشيط

البيانات
التسجيل: Mar 2010
العضوية: 673
المشاركات: 194
بمعدل : 0.12 يوميا

التوقيت

الإتصالات
الحالة:
وليد عبدالله عمران غير متواجد حالياً
وسائل الإتصال:

كاتب الموضوع : وليد عبدالله عمران المنتدى : أشعـــار الشايقية
افتراضي


كتب الشاعر وداعه محمد طلب الي الشاعر حاتم بعد نسمع بقصيدة البلد هيلك من زمان والتي يقول فيها الشاعرحاتم :
وهي اشارة مباشرة للشاعر وداعه محمد طلب .
مورة بلد الجود والكرم والقرير للتاية بيان
مورة بلد النيل والجروف والقرير منقة وبرتكان
مورة حافة قراها النخيل والقرير رصاهو ريقان
مورة للتاية مستقر والقرير للماشي عنوان
مورة ضل للغاشي وضرا والقرير ملجأ ليهو وامان
القرير جوهرة للشمال ظاهرة تتشاف من كل مكان
القرير ان طلاها ضيف من زرايبة تتكي السمان
القرير فات ذات العماد في جمالة وفات بنيانة
قولي لي حاتم بالاخص من سمع بي زعلو زعلان
مالو لو الزول بالشعر دار يداعب وجابلو اوزان
يشهد الله انا من قم صغيرحاشا مازعلت انسان
كيف يكون وانت من الحروف كم خلفت الوان والوان
كم وتر بي نظمك عزف وبيهو كم اتغني فنان
وبي عزب قولك كم طرب زول وميلتبو كم حسان
لو غلط معاك بعتزر والمسامح قالو رحمان
يشهد الله انا صافي الضمير كان دي هفوة وذلة لسان












عرض البوم صور وليد عبدالله عمران   رد مع اقتباس
قديم 04-05-2010, 11:13 PM   المشاركة رقم: 15
المعلومات
الكاتب:
اللقب:
عضو نشيط

البيانات
التسجيل: Mar 2010
العضوية: 673
المشاركات: 194
بمعدل : 0.12 يوميا

التوقيت

الإتصالات
الحالة:
وليد عبدالله عمران غير متواجد حالياً
وسائل الإتصال:

كاتب الموضوع : وليد عبدالله عمران المنتدى : أشعـــار الشايقية
افتراضي

ضرب الأخ الأستاذ على عبدالماجد موعد مع الاستاذ الشاعر المرهف الحاج سرالختم فى قريتهم فتنة وإتفق الحاج مع على بأنه يمشى البيت وهو سوف يحضر وفعلا ذهب على لبيت الحاج وظل فيه من الساعة العاشرة صباحا وحتى الخامسة مساءا ولم يحضر الحاج فكتب هذه القصيدة التى كانت بداية المناظرات بينه و بين الحاج واخرجت لنا مداعبات جميلة .

صبقت الدنيا التلملم تزيد فى الاحزان علينا
تراك ياحاج ماحسبت قدر راس الشوكى لينا
هى كان مالدنيا اللعينة مجقزى صح وبت لذينا
سمكة شبعت ونطت نعدى نخلى المدينة
ندوح داقسين الصحارى ما بين تنقاسى وفتينة
شمس فوق روسينا قدت مولعى ذى الكمينة
رمال شقيش ما مشينا سموم تقرش فى وشينا
ولاضل صادف طريقنا ولاتمرة ولاجنينة
ولاطيرة فى سماها نقشقش فيها الغبينة
سليقة العز فى الجرارى العطش جابرنا إتملينا
ذى الطاشين فى المحيلة وعدمنا الغفر اليجينا
صدق من سماها فتنة تبين فوق طلعت جبينا
كتير المرتزقة فيها المندسى مربى الدقينة
وكتير الماعندو كلمة وتجاجى خشومن سنينة
يعيش بابكر الركيزة المضوى بلدكم رتينة
بلاهو مضلم صباحا مهضلمى يابسى وحزينة
يذيدوالمولى ويباركو يكون دخريها وخزينة

وصيه الداير يبهدل يودر نفسو ويهينة
اليعدى يهمل عقابو ويقصد الطافشين عوينة
نحن لولا شعرة معاوية وروابط واصلى ومتينة
نقطع مانخلى مركب تعدى عليكم وتجينا
يقولو الحى يوم يلاقى ودحين فى الدنيا إن حيينا
حسابنا معاكم نصفى ونجيكم شايلين عصينا












عرض البوم صور وليد عبدالله عمران   رد مع اقتباس
قديم 04-06-2010, 10:34 AM   المشاركة رقم: 16
المعلومات
الكاتب:
اللقب:
عضو مساوي للأبد

البيانات
التسجيل: Jun 2009
العضوية: 106
المشاركات: 1,073
بمعدل : 0.56 يوميا

التوقيت

الإتصالات
الحالة:
الجاحظ غير متواجد حالياً
وسائل الإتصال:

كاتب الموضوع : وليد عبدالله عمران المنتدى : أشعـــار الشايقية
افتراضي

وليد عبد الله عمران متعك الله بالصحة والعافى كما أمتعنا بخبر هؤلاء الفطاحلة ولو أنهم سخروا هذا الكلام الجميل لخدمة البلد لإنصاع لهم كل صعب يقف أمام تقدم البلد والشاعر بابكر على شيخنا عندو قصيدة بهذا الخصوص لو تفضلت بها تكون ما قصرت ....ولك التحايا أجملها وللأسرة.












توقيع :

نقره لعرض الصورة في صفحة مستقلة

عرض البوم صور الجاحظ   رد مع اقتباس
قديم 09-30-2010, 03:58 PM   المشاركة رقم: 17
المعلومات
الكاتب:
اللقب:
كبير المشرفين
الصورة الرمزية
 
الصورة الرمزية السر حليب

البيانات
التسجيل: Jul 2009
العضوية: 137
المشاركات: 11,586
بمعدل : 6.10 يوميا

التوقيت

الإتصالات
الحالة:
السر حليب غير متواجد حالياً
وسائل الإتصال:

كاتب الموضوع : وليد عبدالله عمران المنتدى : أشعـــار الشايقية
افتراضي

الاخ الرائع وليد
لك التحية عى هذا العمل الرائع جداً والذى نتمنى ان يتواصل












توقيع :

مســــــــــــــــــــــــــــــــــــــــــــــــ ـــــــاوي
يا حيـــــــاتي .. وذكريــــــاتي ... ويا هـــواي من قمــــت شــــافع
كم أحبـــــــك .. وأفــــــــدي حبــــــك ... لا أجــــادل .....لا أمـانـع

عرض البوم صور السر حليب   رد مع اقتباس
قديم 10-24-2010, 12:37 PM   المشاركة رقم: 18
المعلومات
الكاتب:
اللقب:
عضو جديد

البيانات
التسجيل: Sep 2010
العضوية: 4304
المشاركات: 23
بمعدل : 0.02 يوميا

التوقيت

الإتصالات
الحالة:
شرف الدين على باتا غير متواجد حالياً
وسائل الإتصال:

كاتب الموضوع : وليد عبدالله عمران المنتدى : أشعـــار الشايقية
افتراضي

اقتباس:
المشاركة الأصلية كتبت بواسطة وليد عبدالله عمران مشاهدة المشاركة
بعد ذلك وردت عدة ردود وكتابات من عدة شعراء يقفون في صف عبدالله محمد خير والبعض يقف الي صف حاتم حسن الدابي والبعض يدعو للمصالحة بالاضافة الي عدد بسيط يدعو لاشعال نار الفتنة .
وهنا كتب الشاعر علي الخضر الي حاتم حسن الدابي كلمات يحفظ فيها مقام الاستاذ الراحل عبدالله محمد خير ويطالب الشاعر حاتم بالاعتزار لعبدالله محمد خير وييشكر منطقتة (تنقسي) وربما وردت بعض الكلمات من شاعرنا علي الخضر يهدد فيها شاعرنا حاتم بأن حد مشورة قد دنا اذا لم يعتزر لشاعرنا عبدالله ويقول في قصيدتة :

عبدو عندو خيال للحروف قبل ماتتقال يوزنة

وفي اللسان لحنها ينطبع مابيتوة البيلحنة

حت ساس الغنا من زمان بي رصين القافية وبني

وبعدو جات شعراء الشمال تبني فوق حد ساسو البنا

قولو في التوفيق كان حروف تحكي عن لحظات محزنة

وعن هيام القلب الصبح بين لهيب الشوق والضني

وقصدو كان لوعات الفراق بي لسان الحال يعلنة

سلوي في الايام لي قليباً عاش متيم فاقد هنا

ماحصل سباها القرير حتي في اشعارو وغنا

ومانطق لو كان بالمزاح هانة بي كلمة محاسنة

قلت جوهرة ضاوية الشمال زي عيون ظبية علي سنة

وطاف خيالك يصف الجمال قلت صدر النيل حاضنة

كيف حكمت عليهو الشمال حتي جوهرتو تعينة

وفي الحكم تنحاز للقرير ولأ شان إياك ساكنة

اصلو عند الناس مهما كان طال شقاها وزادت عنا

ورغم كل قساوة الظروف يبقي غالي عزيز موطنة

ياما كم من قري في الشمال تسحر الالباب فاتنة

وتستبيح حرمات الجمال لي عقول الناس تسجنة

طوفو لي حد حلفا وتعال لو يدوم ترحالك سنة

تلقي تنقسي بهجة وجمال مابيحيطو حروف الغنا
تعرف انها ذات العماد الوصف خضرته ربنا

وبيها وصي النيل من قديم بي حنانو النيل حاضنة

وعبدو مابيهددو بالسرير ومابتكون مشكلة مزمنة

للخلق شيطان الحروف يمشي بي تصريح مننا

نحن يانا منابع الحروف ومن زمان يانا اهل الغنا

وورثة الكلمات جيل في جيل لانهاية الكون عندنا

حقو للاستاذ كان يكون الكلام بي زوق واعتني

والادب سلطان الحديث يحكم الفنان من جني

لو مشيت قدامو اعتزر ننسي للمشكلة ندفنة

ولو كمان طاوعت الخال يبقي حد مشوارك دنا
...
دى من كلمات الشاعر على خضر احمد دقين من تنقسى الجزيره ونزلت فى ديوانو واحه الريد النديه ويعمل بمطار الخرطوم وليست من كلمات حاتم للتنويه فقط













التعديل الأخير تم بواسطة شرف الدين على باتا ; 10-24-2010 الساعة 12:49 PM
عرض البوم صور شرف الدين على باتا   رد مع اقتباس
قديم 10-24-2010, 12:52 PM   المشاركة رقم: 19
المعلومات
الكاتب:
اللقب:
عضو جديد

البيانات
التسجيل: Sep 2010
العضوية: 4304
المشاركات: 23
بمعدل : 0.02 يوميا

التوقيت

الإتصالات
الحالة:
شرف الدين على باتا غير متواجد حالياً
وسائل الإتصال:

كاتب الموضوع : وليد عبدالله عمران المنتدى : أشعـــار الشايقية
افتراضي

من شعر الاخوانيات ((المناقرات))
دا شعر جميل دار بين الشاعر بابكر محمد خير وعبد الحفيظ الشايقى

هذه إخوانيات من نوع خاص وبين أخوة تربطهم علاقة ود وصداقة وهى مناقرات اكثر من انها مناظرات كما سماها استاذنا الشاطرابى له التحية من هذا المنبر وقد تحدانى الاخ احمد همزه من ابناء الجابرية منذ سنوات مضت بأنه هو فارس الاحلام لكل بنت من بنات الجابرية وإذا هو ذهب للزواج سوف تتخطفه الحسناوات حبا وعشقا وهياما فيه وقال لى أنت كنت زمان بتاع مشاكل والبنات يخافن منك ولن يتزوجنك وذهب قبلى للزواج ولكن مافى داعى للفضايح وجاء راجعا من دون زواج وذهبت بعده للزواج وتزوجت وعدت ثم قمت بكتابة أول قصيدة فى هذه المناقرات بعدها وجد من يسانده من بعض انصاص الشعراء وكان على الرد فى عدة جبهات ولم يغلبنى ذلك والى البداية

ليك يا احمد

انت يا أحمد همزه الغجر
يالمبارى حريم السكر
من زمان شغلك معسكر
ساوى لى خلق الله السهر
فى الجنوبى تركت الأسر
وكل زول بى سفرك شكر
ماسلم منك يات نفر
وفى السجن خات الناس شهر

يالمشيت فى الحلة صنقر
من جنوبا شمال وبحر
أى بت درتها جاها حر
وقالت احسن لى اقع البحر
أخير لى اعرس راجلا ضكر
بالكرم موصوف كالمطر

يات مكان شركت وهبر
لجت لوج ووقع فى الحفر
أى بيت دقيتو نقر
جوك اهل البت قالوا جر
للشرق عديت كندمر
وفى سلب زكوك بالحجر
كايس البنوت خير وشر
وفى الكواسة وصلت الككر
يالوقع فوق الناس قدر
وللحريم لام فيك السعر
فى البلاد إنشاع الخبر
وقالوا ود همزه ده مو بشر
الولد شيطانا اغر
وقرنو بس ذى تيس الحمر

وجيت فى التشليح وإنحشر
بين رفاقتك احمد وعمر
الكفيل من شافك نهر
وقال والله احمد يبقى شمبر
يالعقلك ماحى النظر
وماشى تحت الخطاب حفر
انت شبهك شبها اغبر
مو متل فيروزة وسحر


بعد ذلك جاءتنى هذه القصيدة وهى تساند أحمد همزه من الاخ الصديق عبدالحفيظ محمد عبدالحفيظ الملقب بالشايقى لكون ابوه من القرير وامه من عندنا ولكنه عاش وترعرع بين البديرية لذ سمى بعبد الحفيظ الشايقى والى القصيدة
ليك يابابكر الكلام

ليك يابابكر الكلام منبعث من داخل الصميم
قبل ما يملانى الغضب وتتفتح ابواب الجحيم
وبينا تبقى معارك قتال ويدخل الشيطان الرجيم
إعتذر لى احمد براك وتبقى خالصة سليم فى السليم
بى تراضى وطيبة نفس تمحى كل الماضى اللئيم
نبدى صفحة تشع بالبياض وزى صفى الازهار للنسيم
أحمد المسكين من نشا فى البلد دغرى ومستقيم
أتوصف بالدين والخلق ومادخل فى سين وفى جيم
صح زمان كان ده بتاع سكر الا تاب والله العظيم
والبتوب ياخوى مو عيب ليش ترجعو عاد للقديم
انت راعى مشاعر البشر خلى قلبك دايما رحيم
الفتن ماشكروبا زول تسرى ذى النار فى الهشيم
مابيساند الفتنة أنسان الا عقلو يكون ماسليم
ياخى لات طول لللسان يعنى ايه ده ابنو الحريم
أحمد العاشقاهو بت حور ضامرى تشبه ظبية الريم
لا رأت لا عشقت سوا ياهو فارس أحلاما الهميم
ماطلب منى أقيف معا وفى كلامى اكون عاد حكيم
قصدى بينكم أصافى النفوس يشهد الله الدارى العليم
تبقوا أخوان عاد ذى زمان ومانعود للماضى الأليم
انت ياكا استاذ الشعروفى الكرم ياكا يمين كريم
نحنا فى الغربة دى ياسلام شلة تلقانا مع العديم
نبنى سودانا يكون هو فوق تشملو الوحدة يكون عظيم
وفى النهاية أقولك وداع والصلات بينا تظل تديم


ماب اعتذر
عبدو ليك شيطانى استجاب أصلى عارفك طيب هميم

من بلد مخزونة الخصال تنقسى المضلولة بالغيم
فيها اهلى اخوالى الكرام خيرا ينبض فى كل كيم
فيها كنة أستاذنا الكبير كان يرص القول فى الصميم
فيها ودالخدر القدير ودى ناس حاتم للجحيم
فيها همة أباطر علم فيها قمة وذوق وتعليم
إلا ياعبدو ختيت كتير حين تقول أحمد زول عظيم
أحمد السعران من نشا وحاشا مو موصوف بالكريم
شبكى للجيران من مشى ويومى فى عوة مع الحريم
حتى لافردوس ام بدير فيه كاتبى الشعر النظيم
تشكى لى الله صباح مساى ليها يقلع هادا القطيم
إستجاب الله لدعوتا وشالو سقطو بين قوم تميم
سيرتو بين الناس شوم لئيم وشرو فايت واصل القصيم
وفى الختام يا عبدالحفيظ خلى شعرك يوصف الريم
ولاتخربو كلامك معاى وخلى صاحبك ياكل النيم
وان جا زادو معاى العناد عاد بدخلو ليك فى خريم

بعد قصيدة ماب اعتذر جاءتنى هذه القصيدة ومن دون اى مقدمات بى هجوم عنيف من عبدالحفيظ لاننى قلت عندما سألونى عن قصائد عبد الحفيظ ده زول هبوب ساكت مبارى الحفلات وسايق معاهو هاشم تلب مساهربو فى انصاص الليالى

ليك يابابكر إتعظ

مابعرف الخوف من صغير إلا من الواحد الرب
فطرة فى طبعى الإحترام عمرى ما قليت الأدب
منى يابابكر إتعظ قبل مايفيض بى الغضب
وتكره اليوم الفيه جيت من دياركم قمت إغترب
وديمة تتطاول للسان قاصد الشر من غير سبب
الشعر والراى السديد الإله لى بيهن وهب
فى الشعر يادوبك صغير كيف معاى تقيف وتلعب
فيه بحر القافية ممدود والسحاب بى فوقى منكب
زيك انت يجينى مرسال يملا منى السقا والقرب
أما صاحب العز والكرم وارثو من أجدادو تلب
ليهو انتو تكونو حيران تبرو أن كان قام وقنب
والخبر كان وصلو رحمان توو قول بيتك اتخرب
يفصحك بى شعرو الرصين وتيقى انت وقع فى مطب
وفى النهاية أقولك كلام أنت زول ماعندو مذهب


وبعد داك انا رديت على الشاعر عبد الحفيظ فى منتدى تنقسى ووقفت فى صف بابكر لانو من منطقتى او قريب لى فى قصيده طويله


000000000000000000000000000000
0000000000000000000000000000000
نحن مفخره الشمال ونحن يانا اسياد الكلام
اصلو معروفين (البدير ) بالشعر من بعد الفطام

وللقصيده بقيه


(شرف باتا)













التعديل الأخير تم بواسطة شرف الدين على باتا ; 10-24-2010 الساعة 01:53 PM
عرض البوم صور شرف الدين على باتا   رد مع اقتباس
قديم 10-24-2010, 01:29 PM   المشاركة رقم: 20
المعلومات
الكاتب:
اللقب:
عضو جديد

البيانات
التسجيل: Sep 2010
العضوية: 4304
المشاركات: 23
بمعدل : 0.02 يوميا

التوقيت

الإتصالات
الحالة:
شرف الدين على باتا غير متواجد حالياً
وسائل الإتصال:

كاتب الموضوع : وليد عبدالله عمران المنتدى : أشعـــار الشايقية
افتراضي

يا حسن

يا حسن انا بالغرام تعبان تعب

وقلبى من شوق

ا لحبيب دمو انسكب

انت عارف قلبى حب اتنين

حلاتن كالرطب

كل ما احاول اميل لواحده

قلبى يذداد فى حنانو

وللتانيه شايفو بيلتهب

وفؤادى بيهن ماهو عادى

دايما مسخن كاللهب

يا حسن انت اظنك زول تجارب

وما اظن اخذت مقلب

انا شورتى ليك

عشان حديثك صافى

انقى من الذهب

لا بتعرف الجور والكذب00

ولا سمعنا بيك قالو انقلب

ورينى كيف الخلاص

انا جنبى نيل صافى وجميل

ظمأن عديل ما قادر اشرب

((نسمه ومشاعر)) لى روح

وانا ما بعيش بى نصف روح

تلقانى واقع فى الدرب

ما قالو البرعى فى امو وابوه

زى البجاهد فى الحرب

ياحسن

0 0 00ورينى حل قبال اقرر

وخايف اندم وكت اصوتا وتتخرب

وتانى ما بجدى الندم وبيت الحزن

ما اظن يقوم فيه الطرب












عرض البوم صور شرف الدين على باتا   رد مع اقتباس
إضافة رد

أدوات الموضوع
طريقة عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 11:16 PM.


Powered by vBulletin® Version 3.8.4
Copyright ©2000 - 2014, Jelsoft Enterprises Ltd diamond